Տիտեն նշել է իր վարկածով աշխարհի լավագույն ֆուտբոլիստների եռյակը

Բրազիլիայի հավաքականի գլխավոր մարզիչ Տիտեն պատասխանել է այն հարցին, թե ովքեր են իր կարծիքով աշխարհի երեք լավագույն ֆուտբոլիստները։

«Ես կնշեմ այն ֆուտբոլիստների անունները, որոնց օգտին քվեարկել եմ «FIFA The Best» մրցանակաբաշխության ժամանակ։ Նեյմարն առաջինն է, Ռոբերտ Լևանդովսկին՝ երկրորդը, իսկ Կևին դե Բրոյնեն՝ երրորդը։

Մինչ վնասվածք ստանալը Նեյմարը ֆանտաստիկ մարզավիճակում էր անգամ սեփական ստանդարտների համեմատ, իսկ Լևանդովսկին աներևակայելի գոլահար է։

Դե Բրոյնեն կարող է անել այն, ինչ մյուսներն ի վիճակի չեն։ Նա ստեղծագործող ֆուտբոլիստ է և շատ վճռական։ Ինձ դուր է գալիս հետևել նրա խաղին»,- 59-ամյա մասնագետի խոսքերն է փոխանցում ՖԻՖԱ-ի պաշտոնական կայքը։

Տիտեն Բրազիլիայի ընտրանու ղեկին է նշանակվել 2016 թվականի հունիսի 16-ին։ «Պենտակամպեոնները» 2019 թվականին Տիտեի գլխավորությամբ դարձել են Կոպա Ամերիկայի չեմպիոն։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am