Տիվատի «Արսենալը» որակազրկվել է 10 տարով «Ալաշկերտի» դեմ կասկածելի հանդիպում անցկացնելու համար
Տիվատի «Արսենալը» 10 տարով զրկվել է եվրագավաթային մրցաշարերին մասնակցելու իրավունքից, հայտնում է ՈՒԵՖԱ-ի պաշտոնական կայքը։
Չեռնոգորական ակումբը Կոնֆերենցիաների լիգայի որակավորման առաջին փուլում մրցել է հայկական «Ալաշկերտի» դեմ ու մեղադրվում է դիմակայության խաղում պայմանավորված հանդիպում կազմակերպելու համար։
Այդ հանդիպումն ՈՒԵՖԱ-ն կասկածելի է համարել անօրինական խաղադրույքների պատճառով։ Չեռնոգորիայում կայացած հանդիպումից առաջ հսկայական գումարներով խաղադրույքներ են կատարվել։
«Արսենալի» ֆուտբոլիստ Նիկոլե Չելեբիչուն և ակումբի սպորտային տնօրեն Ռանկո Կրգովիչը ցմահ որակազրկվել են` ընդմիշտ զրկվելով ֆուտբոլային գործունեություն ծավալելու իրավունքից։ Ակումբի խաղացողներ Չետկո Մանոյլովիչը, Ռադուլե Ժիվկովիչը և Դուլան Պոլետիշն էլ որակազրկվել են 10 տարով։ Ակումբը նաև տուգանվել է 500 հազար եվրոյով։
Հիշեցնենք, որ Տիվատի «Արսենալի» դեմ դիմակայության առաջին խաղում «Ալաշկերտը» սեփական դաշտում ոչ-ոքի (1:1) էր գրանցել, իսկ պատասխան խաղում մրցակցի դաշտում հաղթել էր 6:1 հաշվով։
Հ․Գ․ միացե՛ք Interfootball-ի Telegram-ի ալիքին https://t.me/Interfootball_am
Հ.Գ.Գ. Ֆուտբոլային մարզաշապիկներ կարող եք ձեռք բերել isport օնլայն խանութից
# Ալաշկերտ, Արսենալ Տիվատ, Կոնֆերենցիաների լիգա, ՈւԵՖԱ