Տիգրան Բարսեղյանի գեղեցիկ գոլը Սլովակիայի առաջնության վերջին տուրում 🎥

Սլովակիայի Nike Liga-ի վերջին` 32-րդ տուրում Բրատիսլավայի «Սլովանը» տնային խաղում 5:1 հաշվով ջախջախեց «Ռուժեմբերոկին»։

«Սլովանի» կազմից հանդիպմանը մասնակցեց նաև Հայաստանի հավաքականի կիսապաշտպան Տիգրան Բարսեղյանը, որը 40-րդ րոպեին դարձավ գեղեցիկ գոլի հեղինակ` խփելով իր թիմի երրորդ գնդակը։

30-ամյա ֆուտբոլիստը Սլովակիայի առաջնությունն ավարտեց խփած 13 գոլով և դարձավ լավագույն ռմբարկու։

«Սլովանը» վաստակեց 73 միավոր և առաջնությունն ավարտեց առաջին տեղում։ Վլադիմիր Վայսի թիմը վաղուց նվաճել է չեմպիոնի տիտղոսը։

«Ռուժոմբերոկը» 47 միավորով առաջնությունն ավարտեց 5-րդ տեղում։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am