Տեր Շտեգենի ապաքինման ժամկետն ու վնասվածքի տեսակը 🎥

Իսպանական Լա լիգայի 6-րդ տուրում «Բարսելոնան» մրցակցի դաշտում 5:1 հաշվով հաղթել է «Վիլյառեալին»։

«Բլաուգրանայի» կազմում առաջին խաղակեսի վերջնամասում անմեղ իրավիճակում ծանր վնասվածք ստացավ թիմի ավագ, գերմանացի դարպասապահ Մարկ-Անդրե Տեր Շտեգենը։

32-ամյա դարպասապահը սեպտեմբերի 23-ին բուժզննում է անցել։ Կատալոնական ակումբի մամուլի ծառայությունը հայտնում է, որ Տեր Շտեգենի աջ ծնկի ջիլն ամբողջությամբ պատռվել է։ Ֆուտբոլիստն այսօր կենթարկվի վիրահատության։

Marca-ի փոխանցմամբ` Տեր Շտեգենի համար 2024/25 մրցաշրջանն ավարտված է։ Նա կբացակայի 8 ամիս։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am