Տեր Շտեգենը ցանկանում է դառնալ ամենաբարձր վարձատրվող դարպասապահը
«Բարսելոնայի» ղեկավարության և ակումբի դարպասապահ Մարկ-Անդրե Տեր Շտեգենի հետ նոր պայամանգիր կնքելու շուրջ բանակցություններ են ընթանում։
Ինչպես տեղեկացնում է Marca-ն, գերմանացի դարպասահը ցանկանում է հարկերը հանած ստանալ մաքուր 18 մլն եվրո աշխատավարձ։ Այդ կերպ Տեր Շտեգենը կդառնա աշխարհի ամենաբարձր վարձատրվող դարպասապահը, սակայն «Բարսելոնան» պատրաստ չէ այդքան գումար վճարել՝ հաշվի առնելով ստեղծված ֆինանսական ճգնաժամը։
Ակումբի ղեկավարությունը ցանկանում է պահել գերմանացի դարպասապահին, սակայն ոչ այդ գնով, և եթե Տեր Շտեգենը հեռանա Կատալոնիայից, ապա ակումբը կդիտարկի «Այաքսի» դարպասապահ Անդրե Օնանային գնելու տարբերակը։
Նշենք, որ կողմերի միջև ներկայիս պայմանագիրը նախատեսված է մինչև 2022 թվականի հունիսի 30-ը, իսկ ներկայումս աշխարհի ամենաբարձր վարձատրվող դարպասապահը Դավիդ դե Խեան է, ով տարեկան վաստակում է 12,7 մլն եվրո։
# Այաքս, Անդրե Օնանա, Բարսելոնա, Դավիդ-դե-Խեա, Մարկ-Ադնրե Տեր Շտեգեն