Վեսթ Հեմը ջախջախեց Լեսթերին` գլխավորելով մրցաշարային աղյուսակը🎥

Անգլիական Պրեմիեր լիգայի 2-րդ տուրի վերջին խաղում «Վեսթ Հեմը» Լոնդոնի «Օլիմպիական» մարզադաշտում մրցեց «Լեսթերի» դեմ։

Հանդիպումը մեկնարկել էր տանտերերի առավելությամբ, ովքեր 26-րդ րոպեին Պաբլո Ֆորնալսի ջանքերով բացեցին խաղի հաշիվը։

«Աղվեսների» անհաջողություններն առաջին կեսում չավարտվեցին, քանի որ 40-րդ րոպեին, կոպիտ խաղի պատճառով, դաշտից հեռացվեղ Այոսե Պերեսը` «Լեսթերին» թողնելով 10 ֆուտբոլիստներով։

Ամեն դեպքում, առաջին կեսում այլևս գոլեր չտեսանք։

Նոր-նոր էր մեկնարկել երկրորդ խաղակեսը, երբ հյուրերը ստիպված էին ևս մեկ գնդակ հանել սեփական դարպասից. 56-րդ րոպեին աչքի ընկավ Սայիդ Բենրահման։

Նույնիսկ 10 ֆուտբոլիստներով մնացած Բրենդան Ռոջերսի 70-րդ րոպեին մեկ գնդակ հետ բերեց. մրցակցի տուգանային հրապարակում բոլորից արագ կողմնորոշվեց Յուրի Տիլեմանսը` կրճատելով հաշվի տարբերությունը։

Սակայն, այդ գոլը խաղի ընթացքի վրա առանձնապես չազդեց։ Դեռ ավելին` «մրճահարները» շատ արագ ոչ միայն վերականգնեցին երկու գնդակի տարբերությունը, այլև հաշիվը դարձրին 4:1. 80-րդ ու 84-րդ րոպեներին երկու անգամ աչքի ընկավ Մայքլ Անտոնիոն` դառնալով նաև դուբլի հեղինակ։

Հետագայուն «Վեսթ Հեմը» հանդիպումը մոտեցրեց իր տրամաբանական ու հաղթական ավարջտին։

Այսպիսով, «Վեսթ Հեմը» 4:1 հաշվով հաղթեց «Լեսթերին», վաստակեց 6 միավոր և լրացուցիչ ցուցանիշներով գլխավորեց Պրեմիեր լիգայի մրցաշարային աղյուսակը։

«Լեսթերն» էլ 3 միավորով 12-րդն է։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am