Վահան Բիչախչյանի հիասքանչ գոլային փոխանցումը Պոգոնի կազմում 🎥

Լեհական Էկստրակլասայի 30-րդ տուրի կենտրոնական խաղում «Պոգոն Շեցինը» հյուրընկալվելիս մրցեց առաջնության առաջատար «Յագելոնիայի» դեմ. գրանցվեց 2:2 հաշիվը։

«Պոգոնի» կազմից հանդիպմանը մասնակցեց նաև Հայաստանի հավաքականի կիսապաշտպան Վահան Բիչախչյանը, որը 15-րդ րոպեին հիասքանչ գոլային փոխանցում կատարեց Կամիլ Գրոսիցկիին։ Վերջինս դիպում հարվածով բացեց հաշիվը։

Բիչախչյանն Էկստրակլասայի ընթացիկ առաջնությունում 29 խաղում խփել է 5 գոլ, կատարել 4 գոլային փոխանցում։

«Պոգոնը» այս ոչ-ոքիից հետո վաստակեց 48 միավոր և զբաղեցնում է 4-րդ տեղը։ «Յագելոնիան», 56 միավորով, գլխավորում է մրցաշարային աղյուսակը։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am