Վալերի Ծառուկյանն առաջին գոլն է խփել Պարի ՆՆ-ի կազմում 🎥

Ռուսաստանի Պրեմիեր լիգայի 2024/25 մրցաշրջանի առաջին տուրում Նիժնի Նովգորոդի «Պարի ՆՆ»-ը տանը 2:4 հաշվով զիջել է Կազանի «Ռուբինին»։

Տանտերերի կազմից ընդմիջմանը փոխարինման է դուրս եկել հայ կիսապաշտպան Վալերի Ծառուկյանը։

22-ամյա ֆուտբոլիստը 71-րդ րոպեին գեղեցիկ հարվածով գրավել է մրցակցի դարպասը` հաշիվը դարձնելով 2:3։

Ծառուկյանը այս տարվա ձմռանն է 100 հազար եվրոյով Վլադիկավկազի «Ալանիայից» տեղափոխվել «Պարի ՆՆ» և ակումբում խփեց առաջին գոլը։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am