Վալենսիայի կազմում կորոնավիրուսով վարակված հինգ ֆուտբոլիստներ կան
15/03/2020 - 20:43
Ինչպես տեղեկացնում է «Վալենսիայի» պաշտոնական կայքը, ակուբմի ներսում կան հինգ ֆուտբոլիստ, որոնք վարակված են կորոնավիրուսով, սակայն խաղացողների անունները չեն հրապարակվում։
«Հայտնաբերել ենք կորոնավիրուսի հինգ դեպք։ Առաջին թիմի և անձնակազմի կազմից կան ընդհանուր հինգ հոգի, որոնք հանձնել են կորոնավիրուսի դրական թեստ։ Բոլորը մեկուսացվել են, գտնվում են իրենց տներում և իրենց լավ են զգում։
Վստահ ենք, որ հանդուրժողականության, պատասխանատվության և տոկոնության շնորհիվ մենք կարող ենք հաղթահարել այս համաճարակը»,- նշվում է ակումբի պաշտոնական հայտարարությունում։
Հիշեցնենք, որ ավելի վաղ հայտնի էր դարձել, որ ակումբի կենտրոնական պաշտպան Էզեկիել Գարայը կորոնավիրուսի դրական թեստ է հանձնել։