«Սպանեք այդ կեղտերին»․ Պայմանագրի խզում կնոջ գրառման պատճառով

«Սպանեք այդ կեղտերին»․ Պայմանագրի խզում կնոջ գրառման պատճառով

06/06/2020 - 01:13

Ամերիկյան ՄԼՍ-ը ներկայացնող «Լոս-Անջելես Գալաքսին» խզել է պայմանագիրը սերբ ֆուտբոլիստ Ալեքսանդար Կատայի հետ, որի պատճառը հանդսիացել է ֆուտբոլիստի կնոջ սկանդալային գրառումը։

Ֆուտբոլիստի կինը՝ Տի Կատայը, Instagram-ի stories բաժնում անդրադարձել է ԱՄՆ-ում տեղի ունեցող բազմահազարանոց հակառասիստական ցույցերին, որոնք սկսվել են մայիսի 25-ին Մինեապոլիս քաղաքում սպանությունից հետո, երբ սպանվեց սևամորթ Ջորջ Ֆլոյդը։

Տի Կատայը գրառման մեջ պահանջել է «սպանել այդ կեղտերին»՝ ցուցարարներին անվանելով «հիմար կենդանիներ»։ Լոս-Անջելեսը ներկայացնող ակումբն անմիջապես հանդես է եկել հայտարարությամբ՝ նշելով, որ չի ընդունում որևէ խտրականություն, հատկապես եթե այդ ամենը վերաբերվում է որևէ ռասայական թեմայի։ Հայտարարության մեջ նշվում է, որ ակումբը պատրաստվում է կատարվածի հետ կապված առանձնազրույց ունենալ խաղացողի հետ։

Ալեքսանդար Կատայը Instagram-ի իր օգտահաշվում գրառում է կատարել՝ կնոջ անունից ներողություն խնդրելով, սակայն այդ ամենը չի փրկել նրան, քանի որ «Գալաքսիի» ղեկավարությունը հայտարարել է, որ խղզել է նրա հետ պայամանագիրը։

Նշենք, որ Ալեքսանդար Կատայը Լոս-Անջելեսը ներկայացնող ակումբը համալրել էր միայն սույն թվականի ձմռանը՝ ակումբի կազմում մասնակցելով ընդամենը երկու հանդիպման։ Կատայը նաև Սերբիայի հավաքականի ֆուտբոլիստ է, որի կազմում մասնակցել է 9 հանդիպման։

# , , ,

Մեջբերումներ անելիս ակտիվ հղումը Interfootball.am-ին պարտադիր է: Կայքի հոդվածների մասնակի կամ ամբողջական հեռուստառադիոընթերցումն առանց Interfootball.am-ին հղման արգելվում է: Կայքում արտահայտված կարծիքները պարտադիր չէ, որ համընկնեն կայքի խմբագրության տեսակետի հետ: Գովազդների բովանդակության համար կայքը պատասխանատվություն չի կրում:

© Interfootball.am 2023