Սերգեյ Գարդեցկի․ «Պատճառ չկա առաջնությունը դադարեցնելու համար»
04/04/2020 - 12:58
Բելառուսի ֆուտբոլի ֆեդերացիայի գլխավոր քարտուղար Սերգեյ Գարդեցկին կարծում է, որ առաջնությունը դադարեցնելու համար չկա որևէ լուրջ պատճառ։
«Մենք վերլուծում ենք իրավիճակը։ Ամբողջությամբ վստահում ենք մեր առողջապահության համակարգին և ներկա պահին առաջնությունը դադարեցնելու որևէ լուրջ պատճառ չկա։
Մենք հասկանում ենք, որ որոշ երկրներում իրավիճակը շատ լուրջ է, սակայն, խորհրդակցելով Բելառուսի կառավարության հետ, կարծում ենք, որ մեր առաջնությունը կարող է շարունակվել»,- Գարդեցկիի խոսքերը մեջբերում է ESPN-ը։
Նշենք, որ Բելառուսի առաջնությունը միակ եվրոպական առաջնությունն է, որը կորոնավիրուսի համաճարակի պայմաններում շարունակվում է։
# Բելառուսի առաջնություն, Սերգեյ Գարդեցկի