Սավինիոյի ու Հոլանդի բենեֆիսը. Ման. Սիթին խոշոր հաշվով հաղթեց Վեսթ Հեմին 🎥

Անգլիական Պրեմիեր լիգայի 20-րդ տուրում գործող չեմպիոն «Մանչեսթեր Սիթին» «Էթիհադ» ստադիոնում մրցեց «Վեսթ Հեմի» դեմ։

«Քաղաքաբնակները» վստահ հանդիպու անցկացրին և 4:1 հաշվով հաղթեցին «մրճահարներին»։

Պեպ Գվարդիոլայի գլխավորած թիմից փայլեցին Էրլինգ Հոլանդն ու Սավինիոն։ Նորվեգացի հարձակվողը երկու գոլ խփեց բրազիլացի վինգերի երկու ասիստից հետո։

Տանտերերից մեկ անգամ էլ աչքի ընկավ Ֆիլ Ֆոդենը, իսկ Վլադիմիր Ցոուֆալը գրավեց սեփական դարպասը։ «Վեսթ Հեմի» գոլը խփեց Նիկլաս Ֆյուլկրուգը։

«Մանչեսթեր Սիթին» հոկտեմբերի 26-ից ի վեր Պրեմիեր լիգայում երկրորդ անընդմեջ հաղթանակը տարավ և 34 միավորով 6-րդ տեղում է, «Վեսթ Հեմը» 23 միավորով 13-րդն է։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am

Հ.Գ.Գ. Ֆուտբոլային մարզաշապիկներ կարող եք ձեռք բերել isport օնլայն խանութից