Սադիո Մանեն՝ 2019 թվականի Աֆրիկայի լավագույն ֆուտբոլիստ
08/01/2020 - 01:13
Սենեգալի հավաքականի և «Լիվերպուլի» ձախ եզրային հարձակվող Սադիո Մանեն ճանաչվել է Աֆրիկա մայրցամաքի 2019 թվականի լավագույն ֆուտբոլիստ։ Այս մասին տեղեկանում ենք Աֆրիկայի ֆուտբոլի կոնֆեդերացիայի՝ CAF-ի պատշոնական Twitter-ից։
Մանեն մրցանակի համար մղվող պայքարում առաջ է անցել իր թիմակից, եգիպտոսի հավաքականի առաջատար Մոհամեդ Սալահից, ինչպես նաև Ալիժիրի և «Մանչեսթեր Սիթիի» եզրային հարձակվող Ռիյադ Մարեզից։ Նշենք, որ նախորդ երկու դեպքերում մրցանակը բաժին էր հասել հենց Սալահին։
2019 թվակնին Մանեն «Լիվերպուլի» կազմում նվաճել է 3 գավաթ․ Չեմպիոնների լիգայի, Եվրոպայի սուպերգավաթ, ինչպես նաև դարձել է աշխարհի ակումբային չեմպիոն։ Սենեգալի հավաքականի կազմում 2019 թվականին Մանեն դարձել է Աֆրիկայի ազգերի գավաթի արծաթե մեդեալակիր։
# CAF-2019, Սադիո-Մանե