Ռուի Մոտան կարող է հեռանալ «Նոայից» ու այլ ակումբ գլխավորել

«Նոայի» գլխավոր մարզիչ Ռուի Մոտան կարող է հեռանալ ակումբից ու աշխատանքի անցնել բուլղարական «Լյուդոգորեցում», հայտնում է լրագրող Նիկոլայ Պետկովը։

Ռազգրադը ներկայացնող ակումբը մտադիր է գլխավոր մարզչի պաշտոնից ազատել խորվաթ մասնագետ Իգոր Յովիչևիչին ու թիմ հրավիրել Մոտային։

«Լյուդոգորեցն» ու 46-ամյա Մոտան արդեն բանակցում են։

Ավարտված մրցաշրջանում բուլղարական ակումբը Յովիչևիչի գլխավորությամբ թրեբլ է գրանցել` դառնալով երկրի չեմպիոն, գավաթակիր ու Սուպերգավաթակիր։

Ռուի Մոտան «Նոան» մարզում է 2024 թ. հուլիսից։ Ակումբը նրա գլխավորությամբ դարձել է Հայաստանի չեմպիոն ու գավաթակիր, հանդես եկել Կոնֆերենցիաների լիգայի հիմնական փուլում։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am

Հ.Գ.Գ. Ֆուտբոլային մարզաշապիկներ կարող եք ձեռք բերել isport օնլայն խանութից