Ռոնալդուն 90+6-րդ րոպեին վրիպեց 11-մետրանոցից. Ալ Նասրը դուրս մնաց Սաուդյան Արաբիայի գավաթից 🎥

30/10/2024 - 00:29

Սաուդյան Արաբիայի խաղարկության 1/8 եզրափակիչում «Ալ Նասրը» սեփական դաշտում մրցեց «Ալ Թավունի» դեմ։

Առաջ ընկնելով` նշենք, որ գերխոշոր անակնկալ գրանցվեց. հյուրերը հաղթեցին 1:0 հաշվով։

71-րդ րոպեին «Ալ Թավունի» հաղթական գոլը խփեց բրազիլացի կիսապաշտպան Ֆլավիոն։

«Ալ Նասրին» պարտությունից կարող էր փրկել ու հանդիպումը լրացուցիչ ժամանակ տեղափոխել «Ոսկե գնդակի» 5-ակի դափնեկիր Կրիշտիանու Ռոնալդուն։ 90+6-րդ րոպեին տանտերերը վաստակեցին 11-մետրանոց, սակայն Ռոնալդուին վրիպեց նշակետից և բարձր հարվածեց։

Այսպիսով, «Ալ Նասրը» դուրս մնաց Սաուդյան Արաբիայի գավաթի խաղարկությունից, իսկ «Ալ Թավունը» պայքարը կշարունակի 1/4 եզրափակիչում։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am

Հ.Գ.Գ. Ֆուտբոլային մարզաշապիկներ կարող եք ձեռք բերել isport օնլայն խանութից

# Ալ Թավուն, Ալ Նասր, Կրիշտիանու-Ռոնալդու, Սաուդյան Արաբիայի գավաթ