Ռոնալդուն պատմություն կերտեց` դառնալով Եվրոների պատմության լավագույն ռմբարկու

Եվրո-2020-ի F խմբի շրջանակում Պորտուգալիայի հավաքականը 3:0 հաշվով առավելության հասավ Հունգարիայի ընտրանու նկատմամբ։

Այդ խաղում պորտուգալացիների կազմում դուբլի հեղինակ դարձավ Կրիշտիանու Ռոնալդուն։

Ինչպես տեղեկացնում է William Hill-ը, 36-ամյա ֆուտբոլիստը Եվրոպայի առաջնությունների շրջանակում խփեց իր 11-րդ գոլը, շրջանցեց Ֆրանսիայի հավաքականի լեգենդար նախկին հարձակվող Միշել Պլատինիին` դառնալով մրցաշարի պատմության լավագույն ռմբարկու։

Հավելենք, որ Պլատինիի ակտիվում կա 9 գոլ և նահանջեց 2-րդ հորիզոնական, իսկ Անգլիայի հավաքականի նախկին հարձակվող Ալան Շիրերը 7 գոլով երրորդն է։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am