Ռոնալդուն նոր տպավորիչ նվաճման է հասել

Իտալական Ա սերիայի 17-րդ տուրի «Սասուոլոյի» դեմ խաղում (3։1) իր հերթական գոլը խփեց նաև «Յուվենտուսի» հարձակվող Կրիշտիանու Ռոնալդուն։

Ա սերիայի ընթացիկ առաջնությունում դա պորտուգալացու 15-րդ գնդակն էր։

Ինչպես հաղորդում է Opta Paolo-ն, Կրիշտիանուն միակ ֆուտբոլիստն է, ով 15 տարի անընդմեջ (սկսած 2006/07 մրցաշրջանից) թոփ-5 առաջնություններում մեկ մրցաշրջանում նվազագույնը 15 գոլ է խփում։

Ա սերիայի ընթացիկ առաջնությունում 15 գոլ և 1 գոլային փոխանցման հեղինակ դառնալու համար Ռոնալդուից պահանջվեց ընդամենը 13 հանդիպում․ ևս 4 գոլ և մեկ ասիստ նա կատարել է Չեմպիոնների լիգայի այս մրցաշրջանում անցկացրած 4 հանդիպումներում։