Ռոնալդուն հորդորել է փոխարինել իր խաղընկերոջը հեռացրած մրցավարին 🎥

Սաուդյան Արաբիայի գաբաթի 1/8 եզրափակիչում «Ալ Նասրը» լրացուցիչ ժամանակում մեծ դժվարությամբ 1:0 հաշվով հաղթեց «Ալ Էթիֆաքին»։

Հանդիպման առաջին խաղակեսում` 45+11-րդ րոպեին ոչ սպորտային պահվածքի պատճառով չիլիացի մրցավար Պիերո Մասան դաշտից հեռացրեց «Ալ Նասրի» հարձակվող Անդերսոն Տալիսկային։

Ընդ որում, դրանից րոպեներ առաջ էլ մրցավարը չհաշվեց Տալիսկայի խփած գոլն ու արձանագրեց խաղից դուրս իրավիճակ։

Այդ ամենից հետո Կրիշտիանու Ռոնալդուն, դժգոհելով Մասայի կայացրած որոշումներից, մատնացույց է արել նրան և տեսախցիկների առջև հորդորել փոխարինել չիլիացի մրցավարին։

Նշենք, որ «Ալ Նասրի» հաղթական գոլը 107-րդ րոպեին խփեց Սադիո Մանեն։

«Ալ Նասրը» պայքարը կշարունակի գավաթի 1/4 եզրափակիչում։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am