Ռոնալդուն կրկին իր բարձրության վրա էր🎥

Իտալական Ա սերիայի 8-րդ տուրի շրջանակում գործող չեմպիոն «Յուվենտուսը» սեփական հարկի տակ մրցեց «Կալյարիի» դեմ։

Անդրեա Պիռլոյի սաները 2։0 հաշվով հանգիստ հաղթանակ տարան, իսկ թուրինյան ակումբի կազմում դուբլի հեղինակ դարձավ Կրիշտիանու Ռոնալդուն, ով ընթացիկ մրցաշրջանում խփել է արդեն 8 գնդակ՝ հավասարվելով լավագույն ռմբարկուների ցուցակը գլխավորող Զլատան Իբրահիմովիչին։

«Յուվենտուսն» այս հաղթանակից հետո վաստակեց 17 միավոր և զբաղեցնում է 2-րդ հորիզոնականը՝ առաջատար «Միլանին» զիջելով 1 միավոր, որն իր հանդիպումը կանցկացնի նոյեմբերի 22-ին։ Միլանյան ակումբը Նեապոլում հյուրընկալվելու է «Նապոլիին»։ «Կալյարին» 10 միավորով 11-րդն է։