Ռոնալդուի երկու գոլային փոխանցումները նպաստեցին Ալ Նասրի հաղթանակին Ալ Թավունի դեմ խաղում🎥

Սաուդյան Արաբիայի Պրեմիեր լիգայի 17-րդ տուրում «Ալ Նասրը» մրցեց «Ալ Թավունի» դեմ` հաղթելով 2:1 հաշվով։

«Ալ Նասրի» կազմից ողջ հանդիպմանը մասնակցեց նաև Կրիշտիանու Ռոնալդուն` մեծապես նպաստելով իր թիմի հաղթանակին։

Պորտուգալացի ֆուտբոլիստը դարձավ երկու գոլային փոխանցման հեղինակ` օգնելով աչքի ընկնել Աբդուռահման Ղարիբին ու Աբդուլա Մադուին։

Նշենք, որ «Ալ Թավունի» միակ գոլը խփեց «Ռեալի» նախկին սան Ալվարո Մեդրանը, ով «արքայական» ակումբի համակարգում հանդես է եկել 2011-16 թթ.։

28-ամյա կիսապաշտպանն «արքայական» ակումբի գլխավոր թիմի կազմում անցկացրել է 5 հանդիպում` դառնալով 1 գոլի հեղինակ։

Հավելենք, որ այս հաղթանակից հետո «Ալ Նասրն» այս հաղթանակից հետո վաստակեց 40 միավոր և գլխավորում է Պրեմիեր լիգայի մրցաշարային աղյուսակը։

«Ալ Թավունը», 30 միավորով, 5-րդն է։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am