Ռոնալդու՞, թե՞ Մեսսի․ գերժամանակակից համակարգչի կարծիքը

Ինչպես տեղեկացնում է Sporza-ն,  KU Leuven-ի համալսարանի պրոֆեսոր և SciSports-ի  մասնագետների հատուկ մշակած ալգորիթմների օգնությամբ գերժամանակակից համակարգիչն ընտրություն է կատարել Լեո Մեսսիի և Կրիշտիանու Ռոնալդու միջև։

Հետազոտությունն անց է կացվել 2013/14 մրցաշրջանից սկսած մինչև 2017/18 մրցաշրջանը։ Հետազոտության ընթացքում մասնագետները ուշադրություն են դարձրել խաղացողների գոլերն ու գոլային փոխանցումներն, այլև ցանկացած այլ գործողություն և տեղաշարժ խաղադաշտում։ Ըստ գերժամանակակից համակարգչի՝ լավագույնը Լեո Մեսսին է՝ միջինը 1․21 միավորով, իսկ պորտուգալացի խաղացողի մոտ գրանցվել է 0,61 ցուցանիշը։

Պրոֆեսոր Ջեսսի Դևիսը և նրա թիմը մեկնաբանել են այս փորձը:

«Ֆուտբոլիստի արժեքը հաճախ որոշում են գոլերով և գոլային փոխանցումներով: Այնուամենայնիվ, գոլը հազվագյուտ իրադարձություն է, քանի որ մեկ խաղի ընթացքում կատարվում է միջինը 1600 գործողություն: Հետազոտության ընթացքում մեր թիմը հաշվի է առել յուրաքանչյուր գործողություն`փոխանցումներ, անցումներ, հարվածներ և հաշվարկում դրանց արժեքը:

Առաջին մի քանի մրցաշրջանում Մեսսիի և Ռոնալդուի արդյունքները շատ մոտ են միմյանց: 2015/16 մրցաշրջանից Մեսսին սկսեց գերազանցել իր հավերժական մրցակցին:

Մեսսին բացառիկ է նրանով, որ գնդակի հետ շատ մեծ թվով գործողություններ է կատարում, և դրանք բարձր արժեք ունեն»,-եզրափակել է Դևիսը։