Ռոնալդինիոն և իր եղբայրը ձերբակալվել են
05/03/2020 - 12:58
«Բարսելոնայի», ՊՍԺ-ի և «Միլանի» նախկին ֆուտբոլիստ Ռոնալդինիոն Պարագավայում ձերբակալվել է փաստաթղթեր կեղծելու մեղադրանքով։
Ինչպես տեղեկացնում է ESPN-ը, 2002 թվականի աշխարհի չեմպիոնը Պարագվայ էր մեկնել՝ մասնակցելու բարեգործական միջոցառման։ Ոստիկանության աշխատակիցները խուզարկել են նրա հյուրանոցի համարը և գտել են կեղծ անձնագրեր։ Ռոնալդինիոյին և եղբորը թույլատրել են մնալ հյուրանոցում, սակայն այսօր՝ մարտի 5-ին, պետք է բացատրություն տան պատկան մարմիններին։ Եվս մեկ մարդ, ով եղել է եղբայրների հետ, նույնպես ձերբակալվել է։
Աղբյուրի փոխանցմամբ՝ երկու եղբայրները պնդում են, որ հենց այդ մյուս մարդն է իրենց խաբել և հենց ինքը պետք է պատասխանատվության ենթարկվի, ոչ թե իրենք։