ՌԵկորդը ռեկորդի հետևից․ Հալանդը հերթական տպավորիչ ցուցանիշն է գրանցել

Չեմպիոնների լիգայի 2020/21 խաղարկության խմբային փուլի 4-րդ տուրի շրջանակում «Բորուսիա Դորտմունդը» սեփական հարկի տակ 3։0 հաշվով առավելության է հասել «Բրյուգեի» նկատմամբ։

Դորտմունդյան ակումբի կազմում այդ խաղում դուբլի հեղինակ է դարձել նորվեգացի հարձակվող Էրլինգ Հալանդը։ 20-ամյա հարձակվողի դիմաց Չեմպիոնների լիգայի շրջանակում 12 խաղում գրանցվել է արդեն 16 գնդակ։

Ինչպես տեղեկացնում է Չեմպիոնների լիգայի պաշտոնական Twitter-ը, Հալանդը մրցաշարի պատմության մեջ ամենաարագն է նման ցուցանիշի հասել։

Հավելենք, որ նորվեգացի հարձակվողը Չեմպիոնների լիգայի ընթացիկ խաղարկության ընթացքում դարձել է արդեն 6 գոլի հեղինակ և գլխավորում է լավագույն ռմբարկուների ցուցակը։