Ռեալի պաշտպանը տեղափոխվում է Ա սերիան ներկայացնող ակումբ

«Ռեալ Մադրիդի» եզրային պաշտպան Ալվարո Օդրիոսոլան վարձակալական հիմունքներով կարիերան կշարունակի «Ֆիորենտինայի» կազմում։

Ինչպես տեղեկացնում է իտալացի ինսայդեր Ֆաբրիցիո Ռոմանոն, երկու ակումբներն արդեն ստորագրել են բոլոր անհրաժեշտ փաստաթղթերը։

25-ամյա պաշտպանի վարձակալությունը նախատեսված է լինելու մինչև 2021/22 մրցաշրջանի ավարտը։ Ֆուտբոլիստի աշխատավարձը վճարելու է Ֆլորենցիան ներկայանոց ակումբը։

Հավելենք, որ «Ֆիորենտինան» չի ունենալու Օդրիոսոլային գնելու անմիջական իրավունք։

Հիշեցնենք, որ իսպանացի ֆուտբոլիստը մադրիդյան ակումբի կազմում հանդես է գալիս 2018 թ. հուլիսից սկսած և «Ռեալի» մարզաշապիկով անցկացրել է 43 հանդիպում` դառնալով 3 գոլի և 10 գոլային փոխանցման հեղինակ։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am