Զիդանն ակնարկել է, որ դեմ չէ գլխավորել իտալական գրանդը

Չեմպիոնների լիգայի 1/4 եզրափակչի առաջին խաղում «Ռեալը» սեփական հարկի տակ 3։1 հաշվով վստահ հաղթանակ տարավ «Լիվերպուլի» նկատմամբ։

Խաղից հետո «արքայական» ակումբի գլխավոր մարզիչ Զինեդին Զիդանը խոսել է իր ապագայի մասին․

«Իտալիան մշտապես իմ սրտում է, իսկ «Յուվենտուսը» միշտ կարևոր է ինձ համար։

Վերդառնա՞լ։ Չգիտեմ (Խմբ․՝ ծիծաղում է)։ Ես այժմ «Ռեալի» ղեկին եմ։ Տեսնենք․․․»,- նշել է ֆրանսիացի մասնագետը, ում խոսքերը մեջբերում է իտալացի լրագրող Ֆաբրիցո Ռոմանոն՝ հղում կատարելով Sky Italia-ին։

Հիշեցնենք, որ Զինեդին Զիդանն իր ֆուտբոլային կարիերայի ընթացքում 1996-2001 թթ․ հանդես է եկել «Յուվնետուսի» կազմում, որի մարզաշապիկով ընդհանուր առմամբ անցկացրել է 212 հանդիպում՝ դառնալով 31 գոլի և 38 գոլային փոխանցման հեղինակ։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am