Ռեալը փոխանակում կառաջարկի Նապոլիին
Ինչպես տեղեկացնում է Goal․com-ը, «Ռեալի» հարձակվող Լուկա Յովիչը ամռանը կլքի Մադրիդը։
Աղբյուրի փոխանցմամբ՝ կորոնավիրուսի համաճարակի պատճառով ստեղծված բարդ ֆինանսական վիճակի պայմաններում «արքայական» ակումբը չի ցանկանում մեծ գումարներ ծախսել ամառային տրանսֆերային պատուհանի ընթացքում և մտադիր է սերբ ֆուտբոլիստին այլ տրանսֆերային գործարքում կիրառել։
«Ռեալը» հետաքրքրված է «Նապոլիի» կիսապաշտպան Ֆաբիան Ռուիսի ծառայություններով։ Իսպանական ակումբը փոխանակում կառաջարկի նեապոլիտանական ակումբին՝ ներառելով Յովիչին այդ գործարքում։ Այդ դեպքում, սակայն, «Ռեալը» չի փուսափի լրացուցիչ գումար վճարելուց։
Նշվում է, որ «Նապոլին» պատրաստ է այդ փոխանակմանը, քանի որ ամռանը հավանական է, որ ակումբից կհեռանա կենտրոնական հարձակվող Արկադիուշ Միլիկը և միանգամից կլուծվի նաև նրա փոխարինողի հարցը։
# Լուկա-Յովիչ, Նապոլի, Ռեալ Մադրիդ, տրանսֆերներ, Ֆաբիան Ռուիս