«Ռեալը» նորից սենսացիոն պարտություն կրեց` հետ մնալով «Բարսայից» 🎥

Իսպանիայի Լա լիգայի 26-րդ տուրում Մադրիդի «Ռեալը» «Բեռնաբեու» ստադիոնում 0:1 հաշվով սենսացիոն պարտություն կրեց «Խետաֆեից»։

Հյուրերի հաղթական գոլը 39-րդ րոպեին խփեց Մարտին Սատրիանոն։

Հանդիպման հերոսներից էր «Խետաֆեի» դարպասապահ Դավիդ Սորիան` կատարելով 7 սեյվ։

«Արքայական» ակումբը երկրորդ անընդմեջ պարտությունը կրեց։ Ալվարո Առբելոայի գլխավորած թիմը նախորդ տուրում էլ 1:2 հաշվով պարտվել էր «Օսասունային»։

«Ռեալը» 60 միավորով երկրորդն է։ «Լոս բլանկոսը» առաջնության առաջատար «Բարսելոնային» զիջում է արդեն 4 միավորով։ «Խետաֆեն» 32 միավորով 11-րդ տեղ բարձրացավ։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am

Հ.Գ.Գ. միացե՛ք Interfootball-ի Instagram-ի էջին https://shorturl.at/6vBml