Ռեալը հրաժարվել է Հարի Քեյնին ձեռք բերելու մտքից

«Տոտենհեմի» հարձակվող Հարի Քեյնը չի մտնելու «Ռեալի»՝ հաջորդ տրանսֆերային պատուհանի ծրագրերի մեջ։

Ինչպես տեղեկացնում է Daily Mail-ը, «արքայական» ակումբը կորոնավիրուսի համաճարակով պայմանավորված ֆինանսական ճգնաժամի պայմաններում չի պատրաստվում խոշոր տրանսֆերներ իրականցնել։

«Ռեալը» ճգնաժամի պայմաններում ակումբի ֆուտբոլիստների և բասկետբոլիստների հետ համաձայնության է հասել, որ նրանց աշխատավարձը կրճատվում է 10 տոկոսով։

Ավելի վաղ հայտնի էր դարձել, որ «Մանչեսթեր Յունայթեդը», որը նույնպես հետաքրքրված էր Քեյնի ծառայություններով, հրաժարվել է նրան գնելու մտքից։