Ռեալը կբողոքարկի Ռամոսի կարմիր քարտը

Ինչպես տեղեկացնում է Cadena Ser-ը, «Ռեալի» ղեկավարությունը պատրաստվում է բողոքարկել թիմի ավագ Սերխիո Ռամոսի կարմիր քարտը, որը նա ստացել է Չեմպիոնների լիգայի 1/8 եզրափակչի «Մանչեսթեր Սիթիի» դեմ առաջին խաղում։ Հիշեցնենք, որ անգլիական ակումբը դիմակայության առաջին խաղում 1։2 հաշվով կամային հաղթանակ է տարել։

Հանդիպման 86-րդ րոպեին Ռամոսը վերջին հույսի խախտում է թույլ տվել Գաբրիել Ժեզուսի նկատմամբ՝ թույլ չտալով բրազիլացուն մեն-մենակ դուրս գալ Տիբո Կուրտուայի դիմաց։

Իսպանացի պաշտպանը որակազրկման պատճառով նվազագույնը բաց կթողնի մարտի 17-ին կայանալիք հանդիպումը։