Ռեալը դժգոհ է մնացել Բելգիայի հավաքականի մարզչական շտաբից

Ռեալը դժգոհ է մնացել Բելգիայի հավաքականի մարզչական շտաբից

10/09/2020 - 14:17

«Ռեալ Մադրիդի» մարզչական շտաբը դժգոհ է մնացել այն փաստից, որ հավաքականների վերջին խաղերով պայմանավորված Էդեն Ազարը միացել էր Բելգիայի հավաքականին։

«Արքայական» ակումբը Լա լիգայի մեկնարկից առաջ Բելգիայի ֆեդերացիային դիմել էր, որպեսզի Տիբո Կուրտուան և Էդեն Ազարն այս անգամ չհրավիրվեն Ազգերի լիգայի Դանիայի (2։0) և Իսլանդիայի (5։1) հավաքականների դեմ խաղերին, սակայն «կարմիր սատանաների» գլխավոր մարզիչ Ռոբերտո Մարտինեսը որոշել է Ազարին, ի վերջո, հրավիրել։

Կուրտուան հավաքականի մարզական հավաքին չմիացավ և Մադրիդ է վերադարձել սեպտեմբերի 5-ին։ Ազարն իր հերթին, միանալով հավաքականին, գեթ 1 րոպե խաղադաշտում չանցկացրեց, ինչն էլ առաջացրեց «Ռեալի» մարզչական շտաբի դժգոհությունը։ Այդ մասին տեղեկացնում է АS-ը։

Էդեն Ազարը հավաքականի ճամբարում մարզում էր անհատապես։ Ռոբերտո Մարտինեսը ծրագրում էր երկու խաղերում էլ նրան խաղադաշտ դուրս բերել, այնուհետև որոշեց, որ մեկ խաղում պետք է նրան իսկ օգտագործի, իսկ վերջում նա ընդհանրապես խաղադաշտ դուրս չեկավ։

# , , , , , ,

Մեջբերումներ անելիս ակտիվ հղումը Interfootball.am-ին պարտադիր է: Կայքի հոդվածների մասնակի կամ ամբողջական հեռուստառադիոընթերցումն առանց Interfootball.am-ին հղման արգելվում է: Կայքում արտահայտված կարծիքները պարտադիր չէ, որ համընկնեն կայքի խմբագրության տեսակետի հետ: Գովազդների բովանդակության համար կայքը պատասխանատվություն չի կրում:

© Interfootball.am 2023