Ռաֆինիա. «Ատում եմ ձեզ, Դիսնեյլենդ» 🎥

«Բարսելոնայի» և Բրազիլիայի ազգային հավաքականի վինգեր Ռաֆինիան սոցցանցերում հրապարակումներ է արել և քննադատել Փարիզի Դիսնեյլենդի աշխատակիցներին.

«Ձեր աշխատակիցները խայտառակություն են: Մարդկանց հետ այդպես չի կարելի վարվել, առավել ևս՝ երեխաների: Ձեր աշխատանքն է երեխաներին երջանկացնելը, այլ ոչ թե արհամարհելը: Նախընտրում եմ կատարվածը կոչել «արհամարհել»: Հակառակ դեպքում ավելի վատ խոսքեր կասեմ:

Ես հասկանում եմ, որ աշխատակիցները հոգնում են, բայց ինչո՞ւ նա բոլոր սպիտակամորթ երեխաներին գրկեց, իսկ իմ որդուն՝ ոչ: Նա պարզապես ցանկանում էր ողջուներ և գրկել: Ձեր բախտը բերել է, որ նա ոչինչ չի հասկանում: Ատում եմ ձեզ, Դիսնեյլենդ:

Այդ աշխատակիցը կեղտ է և հիմար»,- գրել է բրազիլացի ֆուտբոլիստը:

28-ամյա ֆուտբոլիստի հրապարակած տեսանյութերում երևում է, թե ինչպես է Դիսնեյլենդի աշխատակիցը հրաժարվում գրկել ու մոտենալ Ռաֆինիայի որդուն:

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am