Ռամոսը մեկ րոպեում երկու դեղին քարտ է ստացել` հեռացվելով դաշտից Ռեյմսի դեմ խաղում🎥

Ֆրանսիական Լիգա 1-ի 10-րդ տուրում ՊՍԺ-ն հյուրընկալվելիս մրցեց «Ռեյմսի» դեմ` չկարողանալով կոտրել մրցակցի դիմադրությունը. գրանցվեց 0:0 հաշիվը։

Հանդիպման 41-րդ րոպեին փարիզյան ակումբի կենտրոնական պաշտպան Սերխիո Ռամոսը կանոնների խախտում թույլ տվեց մրցակցի հարձակվողներից մեկի նկատմամբ, ինչի համար ստացավ դեղին քարտ։

Այդուհանդերձ, 36-ամյա պաշտպանը վայրկյաններ անց մրցավարի հետ խոսակցությունների բռնվելու համար ստացավ ևս մեկ դեղին քարտ` հեռացվելով խաղադաշտից։

Նշենք, որ Ռամոսն ստացավ կարիերայի 28-րդ կարմիր քարտը։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am