Ջական կհեռանա «Բայերից» ու կվերադառնա Անգլիա 📸
Լևերկուզենի «Բայերի» կիսապաշտպան Գրանիտ Ջական կվերադառնա Անգլիայի Պրեմիեր լիգա ու կտեղափոխվի «Սանդերլենդ», հայտնում է ինսայդեր Ֆաբրիցիո Ռոմանոն։
Պրեմիեր լիգայի նորեկը համաձայնեցրել է 32-ամյա ֆուտբոլիստի տրանսֆերն ու նրա տեղափոխության համար կվճարի 20 միլիոն եվրո։
Շվեյցարացի կիսապաշտպանը նոր ակումբի հետ երեք տարվա պայմանագիր կստորագրի։
Ջական «Բայերում» էր 2023 թ. հուլիսից, 99 խաղում խփել է 6 գոլ, կատարել 9 ասիստ, դարձել Գերմանիայի չեմպիոն, երկրի գավաթակիր ու Սուպերգավաթակիր։
Անվանի ֆուտբոլիստն անգլիական ակումբներից 2016-2023 թթ. խաղացել է «Արսենալում», մասնակցել 297 հանդիպման, դարպասի գրավմամբ աչքի ընկել 23 անգամ, դարձել 29 գոլային փոխանցման հեղինակ։
Հ․Գ․ միացե՛ք Interfootball-ի Telegram-ի ալիքին https://t.me/Interfootball_am
Հ.Գ.Գ. Ֆուտբոլային մարզաշապիկներ կարող եք ձեռք բերել isport օնլայն խանութից
# ԱՊԼ, Բայեր Լևերկուզեն, Գրանիտ Ջակա, Սանդերլենդ, տրանսֆերներ, Ֆաբրիցո Ռոմանո