Պրեմիեր լիգան ներկայացնող 4 ֆուտբոլիստ վարակվել են Covid-19-ով
15/09/2020 - 12:14
Ինչպես տեղեկացնում է Sky Sports-ը, անգլիական Պրեմիեր լիգան ներկայացնող 4 ֆուտբոլիստ վարակված են կորոնավիրուսով․ նրանց թեստի պատասխանը եղել է դրական։
Լիգան որոշում է կայացրել չհրապարակել ո՛չ ֆուտբոլիստների անունները, ո՛չ էլ այն ակումբները, որտեղ հանդես են գալիս նրանք։ Բոլոր 4 վարակակիրներն էլ այժմ ինքնամեկուսացել են և կարանտինում կմնան նվազագույնը 10 օր։
Աղբյուրի փոխանցմամբ՝ վերջին շրջանում թեստավորվել են 2131 ֆուտբոլիստ։
Հիշեցնենք, որ ինչպես եվրոպական առաջնությունների մեծ մասը, անգլիական Պրեմիեր լիգան նույնպես կորոնավիրուսի համաճարակի պատճառով անցկացվում է առանց երկրպագուների մասնակցությամբ։ Սեպտեմբերի 12-ին մեկնարկեց 2020/21 մրցաշրջանը։
# ԱՊԼ, կորոնավիրուս