ՊՍԺ-ն լուրջ կորուստով է մոտենում Ռեալի դեմ հանդիպմանը

ՊՍԺ-ի հարձակվող Նեյմարը շարունակում է ապաքինվել վնասվածքից։

Լրագրող Ադրիեն Գրենյեն, հղում կատարելով L’Equipe-ին, հայտնում է, որ բրազիլացի ֆուտբոլիստի` Չեմպիոնների լիգայի 1/8 եզրափակիչի «Ռեալ Մադրիդի» դեմ կայանալիք առաջին հանդիպման մասնակցությունը մեծ հարցականի տակ է։

Հաղորդվում է, որ 30-ամյա ֆուտբոլիստը, ամենայն հավանականությամբ, բաց կթողնի «արքայական» ակումբի դեմ կայանալիք հանդիպումը։

Հավելենք, որ Նեյմարը 2021 թ. նոյեմբերից ապաքինվում է Լիգա 1-ի 15-րդ տուրի շրջանակում «Սենթ Էթիենի» դեմ կայացած հանդիպման (3:1) ժամանակ ստացած կոճի վնասվածքից։

Հիշեցնենք, որ Չեմպիոնների լիգայի 1/8 եզրափակիչի շրջանակում կայանալիք ՊՍԺ – «Ռեալ Մադրիդ» դիմակայության առաջին հանդիպումը կկայանա փետրվարի 15-ին։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am