ՊՍԺ-ն զայրացել է, թե ինչպես է Նեյմարն անցկացրել իր արձակուրդը?
04/01/2020 - 17:48
Ֆրանսիական ՊՍԺ-ի ղեկավարությունը ֆուտբոլիստներին կարճ հանգստի հնարավորություն է տվել։ Առաջնությունում հանգիստ է, ակումբը հնարավորություն է տվել խաղացողներին ժամանակ անցկացնել հարազատների հետ, առաջնության մեկնարկից առաջ լիցքաթափվել։
Սակայն, փարիզեցիների առաջատարներից Նեյմարը հարազատների հետ ժամանակ անցկացնելու փոխարեն խնջույքներին զվարճանում է։
Համացանցում երկու տեսանյութ է հայտնվել, որոնցից մեկի մեջ 27-ամյա բրազիլացին ինչ-որ խնջույքի ժամանակ պարում է, իսկ մյուս մեջ ֆուտբոլ է խաղում գաճաճների հետ։
Ինչպես տեղեկացնում է Marca-ն, փարիզյան ակումբը չափազանց դժգոհ է մնացել, թե ինչպես անցկացրել Նեյմարն իր արձակուրդը։
Նշվում է, որ բրազիլացին արդեն վերադարձել է Փարիզ և վերսկսել է մարզումները։