Պուլիշիչը փայլեց. ԱՄՆ-ն «չնկատեց» Պանամային🎥
Աշխարհի 2022 թ. առաջնության ԿՈՆԿԱԿԱՖ-ի գոտու որակավորման փուլի 13-րդ տուրի շրջանակում Ամերիկայի Միացյալ Նահանգների հավաքականը սեփական հարկի տակ մրցեց Պանամայի դեմ։
Տանտերերը հանդիպման մեծ մասում ունեին խաղային լուրջ առավելություն և մրցակցին ջախջախեցին 5:1 հաշվով։
Հանդիպման հերոս դարձավ Քրիստիան Պուլիշիչը, ով իր անվան դիմաց հեթ-տրիկ գրանցեց, մեկական անգամ աչքի ընկան Պոլ Արիոլան և Խեսուս Ֆերեյրան։
0:5 հաշվի ժամանակ էլ պանամացիների կազմից հեղինակության գոլը խփեց Անիբալ Գոդոյը։
Հյուսիսային և Կենտրոնական Ամերիկայի գոտու որակավորման փուլի 13-րդ տուրում կայացել են նաև հետեյալ հանդիպումները.
Սալվադոր 1:2 Կոստա Ռիկա
Հոնդուրաս 0:1 Մեքսիկա
Այս գոտու որակավորման փուլի մրցաշարային աղյուսակն ունի հետևյալ տեսքը.
- Կանադա – 28 միավոր
- ԱՄՆ – 25 միավոր
- Մեքսիկա – 25 միավոր
- Կոստա Ռիկա – 22 միավոր
- Պանամա – 18 միավոր
- Սալվադոր – 10 միավոր
- Ճամայկա – 8 միավոր
- Հոնդուրաս – 4 միավոր
Այս գոտու որակավորման փուլի ավարտին մնացել է 1 տուր. մարտի 31-ին` Երևանի ժամանակով ուշ գիշերը, կկայանան հետևյալ հանդիպումները.
Պանամա – Կանադա
Ճամայկա – Հոնդուրաս
Մեքսիկա – Սալվադոր
Կոստա Ռիկա – ԱՄՆ
Հիշեցնենք, որ ԿՈՆԿԱԿԱՖ-ի գոտուց Կանադայի հավաքականն արդեն նվաճել է աշխարհի առաջնության խմբային փուլի ուղեգիր։
Նշենք, որ Հյուսիսային և Կենտրոնական Ամերիկայի գոտուց ԱԱ եզրափակիչ փուլի «ուղիղ» ուղեգիր նվաճում են լավագույն 3 հավաքականները, իսկ 4-րդ հորիզոնականը զբաղեցրած հավաքականը միջմայրցամայքային անցումային հանդիպում անցկացնելու իրավունք է ստանում Օվկիանայի գոտու որակավորման փուլի հաղթողի դեմ։
Հ․Գ․ միացե՛ք Interfootball-ի Telegram-ի ալիքին https://t.me/Interfootball_am