Պորտուգալացիները չնկատեցին Լիտվային․ Պորտուգալիա 6։0 Լիտվա?
Եվրո-2020-ի որակավորման փուլի B խմբի 9-րդ տուրում Պորտուգալիայի հավաքականը սեփական հարկի տակ 6։0 հաշվով վստահ հաղթանակ տարավ խմբի հետնապահ Լիտվայի հավաքականի նկատմամբ՝ գործնականում ապահովելով տեղը մայրցամաքի առաջնությունում։
Պորտուգալացիների կազմում հերթական անգամ փայլեց Կրիշտիանու Ռոնալդուն՝ դառնալով հեթ-տրիկի հեղինակ։ Եվրոպայի գործող չեմպիոնների կազմում մյուս գնդակները հեղինակեցին Պիցցին, Բերնարդու Սիլվան և Գոնսալու Պասիենսան։
Սերբիայի հավաքականն էլ Բելգրադում դժվարին հաղթանակ տարավ Լյուքսեմբուրգի նկատմամբ՝ 3։2։ Սերբերը դեռևս փոքրիկ շանսեր ունեն Եվրոյի ուղեգիր նվաճել որակավորման փուլի արդյունքներով, սակայն դրա համար, վերջին տուրում նրանք պետք է սեփական հարկի տակ հաղթեն Ուկրաինայի հավաքականին, իսկ պորտուգալացիները՝ հյուրընկալվելիս միավորներ կորցնեն Լյուքսեմբուրգի դեմ խաղում։