Պիկե. «Ընդհանրապես չեմ կարոտում ֆուտբոլը»

«Բարսելոնայի» և Իսպանիայի հավաքականի նախկին պաշտպան Ժերար Պիկեն հայտարարել է, որ ընդհանրապես չի կարոտում ֆուտբոլը.

«Ընդհանրապես չեմ կարոտում ֆուտբոլը։ Դա անցած էտապ է։ Եթե որոշումը կայացված է, ապա` վերջ։

Ամեն ինչ շատ լավ է ընթացել, ես նույնիսկ չեմ երազում ֆուտբոլի մասին։ Հետ նայելն անիմաստ է։ Ի վերջո, ես այնքան տիտղոսներ եմ նվաճել իմ կյանքի ակումբում։

Այժմ ես նախընտրում եմ քիչ ուտել, քան մարզվել։ Ես պետք է հանգստանամ այնքան ժամանակ, քանի դեռ մարմինս չի պահանջի ֆիզիկական ակտիվություն։

Ես ինձ լավ եմ զգում։ Իմ փիլիսոփայությունն է` անել այն, ինչ ցանկանում ես»,- Պիկեի խոսքերը մեջբերում է As-ը։

Հիշեցնենք, որ Ժերար Պիկեն կարիերան ավարտելու մասին հայտարարեց 2022 թ. նոյեմբերին։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am