Պապա Կառլոն ուժեղ էր Ժոզեից🎥

Անգլիական Պրեմիեր լիգայի 2020/21 մրցաշրջանի առաջին տուրի շրջանակում «Տոտենհեմը» սեփական հարկի տակ մրցեց «Էվերտոնի» դեմ։

Խաղը հիմնականում անցավ հավասար պայքարում, սակայն մերսիսայդյան ակուբմին, ի վերջո, հաջողվեց մեկ գնդակ խփել Ուգո Լյորիսի պաշտպանած դարպասը։ Հանդիպման միակ գոլը 55-րդ րոպեին խփեց Դոմենիկ Կալվեր-Լյուինը՝ եզրափակելով Լուկա Դինի փոխանցումը։

Հավելենք, որ «Էվերտոնի» կազմում իրենց նորամուտը նշեցին Խամես Ռոդրիգեսը, Ալանը, ինչպես նաև Աբդուլայե Դուկուրեն, իսկ «Տոտենհեմի» կազմում՝ Մեթ Դոհերթին։

Այսպիսով, «Էվերտոնը» նույնպես առաջնությունը սկսեց հաղթանակով և «Արսենալի», «Լիվերպուլի», «Նյուքասլի», «Լեսթերի» և «Քրիստալ Փելասի» հետ վաստակել է երեքական միավոր։ Առաջնության առաջին տուրի շրջանակում դեռևս որևէ հանդիպում չի ավարտվել ոչ-ոքի։