Պաշտոնական. Տիտեն վերադարձավ մարզչական աշխատանքի 📸
Տիտեն նշանակվել է «Կրուզեյրոյի» գլխավոր մարզիչ, հաստատում է բրազիլական ակումբի պաշտոնական կայքը։
Կողմերը պայմանագիր են ստորագրել, որը կգործի մինչև 2026թ. դեկտեմբերի 31-ը ներառյալ։
64-ամյա մասնագետը պաշտոնում փոխարինել է պորտուգալացի անվանի մարզիչ Լեոնարդո Ժարդիմին։
Տիտեն առավել հայտնի է Բրազիլիայի ազգային հավաքականը մարզելու շնորհիվ։ «Պենտակամպեոնները» նրա գլխավորությամբ հանդես են եկել 2016-22թթ., 81 խաղում տարել են 61 հաղթանակ, գրանցել 13 ոչ-ոքի, 7 պարտություն, դարձել Ամերիկայի գավաթի հաղթող։
Անվանի մասնագետը նախկինում մարզել է նաև «Ֆլամենգոն», «Կորինտիանսը», «Ինտերնասիոնալը», «Ատլետիկո Մինեյրոն», «Պալմեյրասը», «Գրեմիոն» և բազմաթիվ այլ ակումբներ։
Հ․Գ․ միացե՛ք Interfootball-ի Telegram-ի ալիքին https://t.me/Interfootball_am
Հ.Գ.Գ. միացե՛ք Interfootball-ի Instagram-ի էջին https://shorturl.at/6vBml
# Բրազիլական Ա սերիա, Բրազիլիայի հավաքական, Լեոնարդու Ժարդիմ, Կրուզեյրո, Տիտե