Պաշտոնական. Սիմոնե Ինձագին` «Ալ Հիլալի» գլխավոր մարզիչ
Սաուդյան Արաբիան ներկայացնող «Ալ Հիլալի» նոր գլխավոր մարզիչ է նշանակվել Սիմոնե Ինձագին, հայտնում է ակումբի պաշտոնական կայքը։
Կողմերը պայմանագիր են կնքել, որն ուժի մեջ կլինի 2027 թ. հունիսի 30-ը ներառյալ։
Ինսայդեր Ֆաբրիցիո Ռոմանոյի տեղեկություններով` 49-ամյա մասնագետը նոր ակումբում կվաստակի տարեկան 26 միլիոն եվրո աշխատավարձ։
Ինձագին 2021-2025 թթ. մարզում էր «Ինտերը»։ Ակումբը նրա գլխավորությամբ 217 խաղում 141 հաղթանակ է տարել, գրանցել 41 ոչ-ոքի, կրել 35 պարտություն, երեք անգամ դարձել Իտալիայի Սուպերգավաթակիր, երկու անգամ` երկրի գավաթակիր, մեկ անգամ էլ` Ա սերիայի չեմպիոն։
Միլանյան գրանդը նրա օրոք նաև 2023 և 2025 թթ. հասել է Չեմպիոնների լիգայի եզրափակիչ, սակայն պարտվել է։
Հ․Գ․ միացե՛ք Interfootball-ի Telegram-ի ալիքին https://t.me/Interfootball_am
Հ.Գ.Գ. Ֆուտբոլային մարզաշապիկներ կարող եք ձեռք բերել isport օնլայն խանութից
# Ալ Հիլալ, Ինտեր, Սաուդյան Արաբիա, Սաուդյան Արաբիայի առաջնություն, Սաուդյան Արաբիայի Պրո լիգա, Սիմոնե Ինձզագի