Պաշտոնական. Սաուլը տեղափոխվել է նախկին խաղընկերոջ գլխավորած ակումբ
Իսպանացի անվանի կիսապաշտպան Սաուլ Նիգեսը տեղափոխվել է «Ֆլամենգո», հայտնում է ակումբի մամուլի ծառայությունը։
Բրազիլական ակումբը 30-ամյա ֆուտբոլիստի հետ պայմանագիրը ստորագրել է 2028 թ. դեկտեմբերի 31-ը ներառյալ։
Իսպանացի ֆուտբոլիստն իր նախկին ակումբից` Մադրիդի «Ատլետիկոյից» հեռացել է անվճար։ Սաուլը «ռոխիբլանկոսի» կազմում 427 խաղում 48 գոլ է խփել, կատարել 26 ասիստ։
«Ֆլամենգոն» 2024 թ. սեպտեմբերից գլխավորում է «Ատլետիկոյում» Սաուլի նախկին խաղընկեր Ֆելիպե Լուիսը։
Նշենք, որ Սաուլի տրանսֆերի հարցում ի սկզբանե համաձայնության էր հասել թուրքական «Տրաբզոնսպորը», սակայն ֆուտբոլիստն ընտանիքի հետ քննարկելուց հետո որոշել է հրաժարվել կարիերայի շարունակության այդ տարբերակից։
Հ․Գ․ միացե՛ք Interfootball-ի Telegram-ի ալիքին https://t.me/Interfootball_am
Հ.Գ.Գ. Ֆուտբոլային մարզաշապիկներ կարող եք ձեռք բերել isport օնլայն խանութից
# Ատլետիկո Մադրիդ, Սաուլ Նիգես, տրանսֆերներ, Ֆելիպե Լուիս, ՖլամենգոO meio campo Saúl Ñiguez é o novo reforço do Mengão! O espanhol assinou com o Mais Querido até dezembro de 2028! Muito sucesso, craque!#bemvindo pic.twitter.com/GnB5lX6yFc
— Flamengo (@Flamengo) July 23, 2025