Պաշտոնական. Ռոբերտո Մանչինին հեռացվել է Իտալիայի հավաքականի գլխավոր մարզչի պաշտոնից

Ինչպես տեղեկացնում է Իտալիայի ֆուտբոլի ֆեդերացիայի պաշտոնական կայքը, Ռոբերտո Մանչինին հեռացվել է այդ երկրի հավաքանի գլխավոր մարզչի պաշտոնից։

Աղբյուրի փոխանցմամբ` կողմերը երկկող համաձայնությամբ խզել են գործող պայմանագիրը։

Ֆեդերացիան նշում է, որ մոտ ժամանակներս կհայտնի, թե ով է լինելու «սկուադրա աձուրիի» նոր գլխավոր մարզիչը։

Հիշեցնենք, որ Ռոբերտո Մանչինին Իտալիայի հավաքականի գլխավոր մարզչի պաշտոնը զբաղեցնում էր 2018 թ. մայիսից։

Նրա գլխավորությամբ «սկուադրա աձուրին» դարձել է Եվրո-2020-ի չեմպիոն, ինչպես նաև երկու անգամ 3-րդ հորիզոնականն է զբաղեցրել Ազգերի լիգայի խաղարկությունում։

Բացի այդ, Իտալիայի հավաքականը Մանչինիի օրոք անպարտելիության համաշխարհային ռեկորդ է սահմանել։ «Սկուադրա աձուրին» 2018 թ. սեպտեմբերից մինչև 2021 թ. հոկտեմբեր չի պարտվել 37 անընդմեջ խաղում` գերազանցելով Իսպանիայի և Բրազիլիայի հավաքականների պատմական ռեկորդները։

Իտալիայի հավաքականը Մանչինիի գլխավորությամբ անցկացրել է 61 հանդիպում, տոնել 39 հաղթանակ, կրել 9 պարտություն, 13 անգամ էլ գրանցել ոչ-ոքի։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am