Պաշտոնական. Ռամոսը տեղափոխվեց ՊՍԺ

Ինչպես տեղեկացնում է «Պարի Սեն-Ժերմենի» պաշտոնական կայքը, ակումբը պայմանագիր է կնքել «Ռեալ Մադրիդի» նախկին կենտրոնական պաշտպան Սերխիո Ռամոսի հետ։

Աղբյուրի փոխանցմամբ` կողմերի միջև պայմանագիրը կնքվել է մինչև 2023 թ. հունիսի 30-ը, իսկ 35-ամյա ֆուտբոլիստի տարեկան աշխատավարձը կազմելու է 12 մլն եվրո։

Իսպանացի պաշտպանը ՊՍԺ-ի շարքերը համալրել է անվճար, քանի որ դարձել էր ազատ գործակալ։

Հիշեցնենք, որ Սերխիո Ռամոսը 2005-2021 թթ. հանդես է եկել «Ռեալի» կազմում, որի մարզաշապիկով ընդհանուր առմամբ անցկացրել է 671 հանդիպում` դառնալով 101 գոլի և 40 գոլային փոխանցման հեղինակ։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am

Հ.Գ.Գ միացե՛ք նաև GOALART-ի Telegram-ի ալիքին և մասնակցեք ֆուտբոլային տարբեր քննարկումներին` https://t.me/Golarat10