Պաշտոնական. ՊՍԺ-ն վարձակալել է Իկարդիին

«Ինտերի» հարձակվող Մաուրո Իկարդին վարձակալական հիմունքներով տեղափոխվեց «ՊՍԺ»:

Փարիզյան ակումբը հայտարարել է, որ 70 մլն եվրոյի դիմաց գնման իրավունքով պայմանագիր է կնքել 26-ամյա արգենտինացու հետ: Իկարդիի տարեկան աշխատավարձը կկազմի 8 մլն եվրո և ևս 2 մլն եվրո նա կստանա որպես հավելավճար: Պայմանագիրը նախատեսված է մինչև 2022 թվականը:

Անցած մրցաշրջանում արգենտինացի հարձակվողը միլանյան ակումբի ղեկավարության հետ ունեցած խնդիրների պատճառով զրկվել էր ավագի թևկապից և ժամանակավոր հեռացվել էր թիմի հիմնական կազմից:

Ավելի վաղ հայտնի էր դարձել, որ «Ինտերի» ներկայիս մարզիչ Անտոնիո Կոնտեն հայտարարել էր, որ Իկարդիի հետ հույսեր չի կապում: