Պաշտոնական. Նեյմարը հեռացավ «Ալ Հիլալից»

Բրազիլացի աստղային հարձակվող Նեյմարը հեռացել է Սաուդյան Արաբիան ներկայացնող «Ալ Հիլալից», հայտնում է ակումբի մամուլի ծառայությունը։

Կողմերը երկկողմ համաձայնությամբ խզել եմ գործող պայմանագիրը։ 32-ամյա ֆուտբոլիստը դարձել է ազատ գործակալ։

Նեյմարն «Ալ Հիլալ» էր տեղափոխվել 2023 թ. օգոստոսին։ Նա տարբեր ծնկի ծանր վնասվածքի պատճառով խաղադաշտ է դուրս եկել միայն 7 անգամ, խփել 1 գոլ։

Ինսայդեր Ֆաբրիցիո Ռոմանոն գրում է, որ եզրային հարձակվողը կշարունակի հարազատ «Սանթոսում»։

Ֆուտբոլիստն ու բրազիլական ակումբը համաձայնեցրել են պայմանագրի բոլոր կետերը, որի մանրամասները չեն հաղորդվում։ Նա առաջիկա օրերին կմեկնի հայրենիք և բուժզննում կանցնի «Սանթոսի» համար։

Հիշեցնենք, որ Նեյմարը «Սանթոսի» սան է և ակումբի համակարգում եղել է 2003-2013 թթ.։ Նա ակումբի հիմնական թիմում 225 խաղում խփել 136 գոլ, կատարել 64 ասիստ։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am

Հ.Գ.Գ. Ֆուտբոլային մարզաշապիկներ կարող եք ձեռք բերել isport օնլայն խանութից