Պաշտոնական. Մոնակոյի պաշտպանը տեղափոխվեց Չելսի

Ինչպես տեղեկացնում է «Չելսիի» պաշտոնական կայքը, ակումբը գնել է «Մոնակոյի» կենտրոնական պաշտպան Բենուա Բադիաշիլեին։

Կողմերի միջև կնքվել է 7.5 տարվա պայմանագիր, որն ուժի մեջ կլինի մինչև 2030 թ. հունիսի 30-ը։

«Ազնվականները» 21-ամյա ֆուտբոլիստի դիմաց մոնեգասկյան ակումբին վճարել են 38 մլն եվրո։

Նշենք, որ Բադիաշիլեն «Մոնակոյի» սան է, որի կազմում անցկացրել է 135 հանդիպում` դառնալով 6 գոլի և 3 գոլային փոխանցման հեղինակ։

Հավելենք, որ երիտասարդ ֆուտբոլիստը նաև Ֆրանսիայի հավաքականի անդամ է, որի կազմում անցկացրել է 2 հանդիպում։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am