Պաշտոնական. Մոդրիչը կհեռանա «Ռեալից»

Մադրիդի «Ռեալի» կիսապաշտպան, թիմի ավագ Լուկա Մոդրիչը կհեռանա ակումբից, հայտնում է «լոս բլանկոսի» պաշտոնական կայքը։

Կողմերը որոշել են չերկարաձգել պայմանագիրը. 39-ամյա ֆուտբոլիստն աշխարհի ակումբային առաջնությունից հետո «արքայական» ակումբը կլքի ազատ գործակալի կարգավիճակում։

Լեգենդար ֆուտբոլիստը «Սանտիագո Բեռնաբեու» ստադիոնում իր վերջին հանդիպումը կանցկացնի մայիսի 24-ին «Ռեալ Սոսիեդադի» դեմ Իսպանիայի Լա լիգայի 38-րդ տուրում։

Լուկա Մոդրիչը «Ռեալ» է տեղափոխվել 2012 թ. օգոստոսին, 590 խաղում խփել 43 գոլ, կատարել 95 ասիստ։ Նա մադրիդյան գրանդի հետ 28 տիտղոս է նվաճել, այդ թվում` 6 անգամ դառնալով Չեմպիոնների լիգայի հաղթող։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am

Հ.Գ.Գ. Ֆուտբոլային մարզաշապիկներ կարող եք ձեռք բերել isport օնլայն խանութից