Պաշտոնական. Միլանը նոր գլխավոր մարզիչ ունի

«Միլանի» նոր գլխավոր մարզիչ է նշանակվել Սերժիու Կոնսեյսաուն, հայտնում է ակումբի պաշտոնական կայքը։

Պորտուգալացի մասնագետն ու իտալական գրանդը պայմանագիրը կնքել են մինչև 2026 թ. հունիսի 30-ը։

50-ամյա Կոնսեյսաուն պաշտոնում փոխարինել է մեկ այլ պորտուգալացու` Պաուլու Ֆոնսեկային։ Վերջիս դեկտեմբերի 30-ին էր պաշտոնանկ արվել։

Սերժու Կոնսեյսաուն 2017-2024 թթ. մարզել է «Պորտուն»։ «Վիշապները» մասնագետի գլխավորությամբ 3-ական անգամ դարձել են Պորտուգալիայի չեմպիոն ու երկրի Սուպերգավաթակիր, 4 անգամ` երկրի գավաթակիր, 1 անգամ` Լիգայի գավաթակիր։ Նա նախկինում գլխավորել է նաև պորտուգալական «Օլանենսեն», «Կոիմբրան», «Բրագան», «Վիտորիա Գիմարայնշը» և ֆրանսիական «Նանտը»։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am

Հ.Գ.Գ. Ֆուտբոլային մարզաշապիկներ կարող եք ձեռք բերել isport օնլայն խանութից